الملحمة الغنائية للرئيس الشهيد ((صــــــــــــــ حسين ـــــــــــدام))

مين يجرى يقول هذا مش معقول

في يوم الجمعة وعيد لاضحى العيد الكبير

في يوم الوقفة على عرفة يعدم لاسير



هذي العراق الجديدة

ديمقراطية الفريدة



هذا التصالح بين لخوة وهذا الوفاق

يبدأ بالجثث المحروقة وقطع الأعناق



بفرق الموت الرهيبة

سمعت بوغريب العجيبة



بين سنة وشيعة يتوسط لامام بلير

في يوم الوقفة على عرفة يعدم لاسير

****

قالولا بدت محكمتك نبدأ بـ س

قاللهم قارىء لخلاص وطه ويس



قالولا إيدك ع المصحف وأقسم يمين

قاللهم نقسم على المصحف انكم خاينين



قالولا تحلم والباين عندك حنين

قاللهم ثار لبغداد وقانا وجنين



قالولا تنادي بالوحدة وحدودك وين

قاللهم تبدأ بمراكش حتى البحرين



قالولا وين القومية والقوميين

قاللهم للوطن العربي هي الشرايين



قالولا اتدرب وتمول في الفدائيين

قاللهم والله النا النية في فلسطين



قالولا إذاعتك تصرخ وين الملايين

قاللهم بكرة لقبري بيجوا زايرين



قالولا برّا خرجنا المحاميين

قاللهم أنا محامي صدام حسين



قالولا اولادك قتلنا ماتوا الاثنين

قال النشامى سموهم بالرافدين



قالولا بنتك تستقبل في العزايين

قاللهم رغدة ماتنزل دمعة من عين



قالولا جوزتك ما حضرت يوم التأبين

قاللهم ساجدة للعالي وتعرفني زين



قالو حفيدك قاومنا ما باش يلين

بدا يتبسم قاللهم قارىء حطين



قالولا القادة باعدامك الكل مبسوطين

تنهد قاللهم هو هذا السر الدفين



من يجرى يقول هذا مش معقول



ليش المراجع ما تراجع طرح السؤال

كيف العراق بيتحول دجيل وانفال



بصمات امريكا موجودة في العمة البيضا والسودا



في روب الكردي ماهو عادل لا واسع بال

في جلسة وقاعة أمنها جيش الاحتلال



دستور بريمر وأذنابه في قادة جو عالدبابة

في جيش بيرقص فوق جثة معدوم أسير



هذي العراق الجديدة

ديمقراطية الفريدة



بين سنة وشيعة يتوسط لامام بلير

في يوم الوقفة على عرفة يعدم لاسير

***

قالولا جيشنا في قصرك والعرش انهار

قاللهم قصري في الجنة بين الابرار



قالولا رجالك مطبوعة على ورق قمار

قاللهم شعبي المقاوم كله ثوار



قالولا صورتك شلناها من ع الدينار

قاللهم صورتي محفورة في قلب الاحرار



قالولا شلنا تمثالك في لحظة طار

قاللهم حط في بنغازي جنب المختار



قالولا تسعى بيش تملك اسلحة دمار

قاللهم والله لو عندي ما هذا صار



قالولا وصلنا لعنقك وما بينا ثار

قاللهم عارف شن داير زيدوا العيار



قالولا موتك مؤكد ليش الاصرار

قاللهم هذا شعاري نموت ولا العار



قالولا اعدامك ما ينقل شي من الاسرار

قاللهم بثوا مباشر عبر الاقمار



قالولا اخبارك معروضة ع المستشار

قاللهم حتى وانا مت نطلع الاخبار



من يجرى يقول هذا مش معقول

***

قالولا استسلم ونبدل هالـ الحال بحال

قاللهم ذلة وانا اسمي ما فيش ذال



قالولا غادر كلاجىء وارحل في الحال

قاللهم عيب يقولوها وهذا ما مازال



قاللونا خايف ومستسلم ومنها وذال

جتنا الحقيقة اتشرف عبر النقال



قالولا الرجلة ماتنفع مرات هبال

قاللهم هلها انا ليها هاتوا الحبال



قالولا الحبل اللى فـ عنقك ما يجيبه مال

قاللهم خلا يجي يوم وايجيبه رجال



بين سنة وشيعة يتوسط لامام بلير

في يوم الوقفة على عرفة يعدم لاسير

في جيش بيرقص فوق جثة معدوم أسير

في يوم الوقفة على عرفة يعدم لاسير

مشكووووووووووووور يا ادمن